قصة بنت گانت تطالع واحد بعين قويه المهم الرجال طلع شاعر وما قصر فيها گم بيت عشان تتأدب لگن المفاجأه هي ؟؟؟؟
گل شبر بهالوسعيـه ملـگ ربـي تعلميـن
وأعلم إن اللي خلقني هو خلق لـگ هالعيـون
لگن انتي من جلستي وانتـي فينـي تحدقيـن
گن ما به ناس غيري بهالگراسـي يجلسـون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون
ع الأقل ليا نظرتگ سـوي روحـگ تستحيـن
غضي طرفك مثل غيرگ خوف ربعي يلمحون
الرگادة عاد زينة والحياء فـي البنـت زيـن
وفيـگ جآزم لا رگـادة ولا حيـاءٍ يـذگـرون
تعرفينـي ؟! أعرفـگ ؟! ماأذگـر إنــا ملتقـيـن
لا أعرفگ من تگوني و لا تعرفي مـن أگـون
وإطمأني إن گان قصدگ بس فينـي تشبهيـن
ما هـو أنـا إللي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنگ بـس والله يستحـون
وإن گان قصدگ شي ثاني عاد قولي وش تبين
خايف إنا نصير فرجة وإللي مااشتروا يتفرجـون
وإذا ببالگ عاجبتنـي لا يحوشـگ تحلميـن
صح ربعي من جمالگ فيـگ صـار يمدحـون
بس وش لي في حلاتگ دام فيهـا ترخصيـن
حشمة البنـت وحياهـا والگرامـة يلفتـون
ولو توفر فيگ هـذا مـع حلاتـگ تبشريـن
ما هو أنا ألف غيري بـاب بيتـگ يطرقـون
وش علامگ رغم گل اللي أقولـه وتسگتيـن
مو طبيعي هالسگوت وهالبـرود وهالسگـون
إنتـي خرسـا أسألـگ ولا منتي تسمعيـن؟؟
قالوا ربعي ذي گفيفـة قلـت لا لا تمزحـون
لين شفتگ يوم رحتـي يمسگونـگ باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـگ ترحليـن
جيت اشوف عيون ربعي لقيت الگـل يدمعـون
قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن گافـ وبيـن نــون
وگل أبونا نختلف مع إننا مـن أصـل طيـن
سبحان ياللي مصورنا ولله في خلقـه شـؤون
يعني حنا گل أبونـا عـاد إسمنـا بنادميـن
وليا قضى ربگ أمر وقـال لـه گـن فيگـون
فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون
وفينا يلي مـا شگـى مـن علـةٍ گالآخريـن
صـمٌ و بگـمٌ و عمـيٌ فـهـم لا يفقـهـون
بس قليل عـاد فينـا للنعـم هـم شاگريـن
والله يرزق هالخلايق من حيث هم لا يعلمون
وتدري عاد يالگفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون
يالگفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟
موضوع: لازم نتعلم حسن الظن. 
الإثنين مايو 12, 2008 9:12 pm
روووووووووووعه 