وراعين الاجانب ووراعيننا(1)

الفرق بين اطفال الاجانب وورعانا المحترمين

(بسم الله الرحمن الرحيم )








نبدا









اطفال الاجانب


في الصباح حيث يبداء يوم اطفال الاجانب عندما يستيقظ على صوت

الكناري اللي بغرفته وهو لابس بجامة نوم عليها صورة تويتي ولا صورة فواكه بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه
يروح يغير ملابسه
وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كورن فليكس

ابو ديك وبيضه وحده بس!! وكاس عصير وشويت زبده مع العسل

على خبزه .

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه




ورعانا المحترمين



ورعانا يقوم الصبح بعد ما يطلع عين اهله ولازم افراد العائله تمر عليه

عشان تصحيه وكل واحد وطريقته:

الاب:قم يافاشل روح لمدرستك لاتتاخر ويكتبون عليك تعهد مثل كل يوم

الأم:قم جعلك ماتنام
الأخ: والله اذا ما تقوم لافقع وجهك اخلص خلني افتك من ابوي

أخته: < تسوي نفسها بتدلعه> يالله قوم وأعطيك شنطة أخوك تروح فيها

للمدرسه

بعد ما يقوم يمر الحمام على السريع ويغسل وجه

وبعدين ياخذ اقرب كتب عنده ويربطها ويروح لغرفة امة ياخذ السجادة حقتها ويلفها على الكتب عشان يجلس عليها في المدرسة ويجيك مدحدر يدور الفطور ويتفاجأ

انهم ما حطوه؟؟
او مايقاد <=من تأليفي طال عمري

بعد ما يجي الفطور وهو كالعاده : فول شكشوكه تميس + حليب

يبدأ الورع بالأكل وشوي الا وهو حاذف أخوه بعلبة الهندسه؟

عشانه سحب صحن الفول من عنده<مسكين ما يطوله> وشوي الا وهو

مسدد بقس عنيف يمشي مليوووووووووووون لأخوه الثاني!! لأنه سرق فسحته؟
وهي عبارة عن ثلاثة ريال
واحد الريالات مكتوب عليها ذكريات

أبوه يتكلم معه يا ورع أركد وافطر وعين خير انت وش بلاك وراك مدرسه

يرد الورع عليه: انت ما تشوف سعيدان سارق فسحتي؟؟

< سعيدان اكبر سروق بالبيت >> ابوه على طول يصدق ويصـــــــك

سعيدان على مقفاة الا ووجهة سعيدان الا وهو مغروس في صحن الفول >> ياادي الفول

المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه


أطفال الناس الاجانب


2- بعد المدرسه يرجع اطفال الاجانب ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.


ورعاااانا المحترمين


اما الورع منهم يجي من المدرسه وثوبه قالب لونه بني< تقول مسح فيه جدار مدرسه >>

ولا دخل البيت رمى الشنطه بالصاله وفصخ ثوبه

ووينك يالشارع < اخوياه ينتظرونة>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟
نسيت شي الا وهو الباب حقهم عبارة عن حذايين الي يلعبون كورة

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء < معروف كبسة لحم ولا دجاج
غيره ما فيه!! يتغدى الورع الكريم ويصــك بعدها لتر لبن

بعدها يجلس ساعه فاتح فمه

ينتظر من يوديه يغسل له يديه!

اذا لقيت ردوود محترمه ولا ماش تكمله
طرار............

سبحان الله نفس الفرق بين أولادي وأولادك...

الله يلعنك يادوشه فطستيني ضحك وربي
انا ومي
الا هذا الصدق الملاعين مدري متى يتادبون
بس وراعين اذا هم عايشين في ام الدوم
والله لاجلدهم لين اطلع لهم قلوب

امحق يارحاب والله اتخيل وراعينك
اذا صاروا مؤدبين فالادب من ابوهم

دوشه انا اترقب الجزء الثاني على احر من الجمر
عجلي علينا

سلاااااااااااااام خاص من المدينه علشان تعرفون اني مو ناسيتكم

وحشتوووووووووووووني واقولكم لا تحاولون بزارينا ما راح يتغيرون ابد


فدييييييييييييييتهم كيف ما كانوا طبعا والله لاربي بزورتي هههههههههه

حيا الله الجميع وتشكر الاخت دوشه على هذا الموضوع
الحين هذي الفروق طلعتيها يادويش وانتي ماعشتي المعاناه مثلنا
بس اش رايكم يابنات ان ما جابت الجزء الثاني بسرعه نقط لها من كل بيت ورع
وتجيكم الاجزاء الين الميه

بعدين الاخت رنوش اشوف حاطه صورة واحد كاتب على الجدران مثل اخونا في الله بس الفرق طبعا في الشكل والذوق

طبعا هالكلام ماينطبق على تميم

حيا الله قلب قلبي صديقاتي عدا الي غلط على عيالي
ابنزل الموضوع لو في رسالة جوال لكل وحده بس تهديد هيا مايقع

هههههههههههههههههه

وربي وناسه يالغلا

فرق شاسع بالمره

شكرا على مرور انت ((((هنود